InfoRosal

Despois das loitas políticas dos últimos meses nas que a Consellería do PSOE e o goberno local do Partido Popular non se poñen de acordo, dende Galiza Nova de Tui, pensan que é o momento de “tomar cartas no asunto” e propoñer un emprazamento que cumpra cuns mínimos para a creación dun centro adaptado a sociedade actual.

O Club Deportivo Miño -Teixugos consegue o 2º posto na segunda proba da VI Copa Galega de Promoción de Slalom celebrada en Pontevedra o pasado domingo. Dos doce palexeiros-teixugos que disputaron a proba, cinco deles alcanzaron subir o podium nas diferentes categorías.

O Concello de Tomiño porá un autobús de balde para as persoas que desexen participar na manifestación a prol da Lingua Galega, organizada pola Mesa pola Normalización Lingüística, o vindeiro domingo 18 de maio en Santiago de Compostela.

Onte foi presentada a programación a desenvolver na cidade de Tui ao abeiro da celebración da Semana do Libro e Lectura, que organiza a Dirección Xeral de Creación e Difusión Cultural da Consellería de Cultura e Deporte coa colaboración da Concellería de Cultura do Concello de Tui e a coordinación da Asociacións Socio-pedagóxica Galega.

Hoxe ás 20,00 horas, terá lugar no Salón de Actos do Museo Municipal (antigo Convento de San Domingos) o acto de presentación do libro editado polo Concello de Tui titulado “Xosé María Álvarez Blázquez e Tui: Da vella casa ao corazón aberto”.

O vindeiro xoves 15 de maio as 32 persoas asistentes ao taller de memoria de Cruz Vermella Baixo Miño participarán nunha excursión cultural a Cambados cos obxectivos entre outros de mellorar a autonomía dos usuarios, evitar situacións de illamento, facilitarlles opcións de lecer, promover as relacións interpersoais e con todo, mellorar a súa calidade de vida.

O pasado sábado 10 de maio tivo lugar en A Coruña a Asemblea Nacional Constituinte da nova organización do estudantado galego. Co nacemento dos "Comités", como así se acordou denominar esta nova organización, cristalizase un proceso histórico de unificación das organizacións estudantís que operaban no ensino meio e na universidade.

Por medio dun escrito, o portavoz municipal do BNG, Xan Lois Lomba, solicita ao goberno guardés a adhesión ao manifesto "Polo dereito a vivirmos en galego".

• A Asociación do Baixo Miño de Comerciantes e Empresarios 'ábaco' valora de rotundo éxito o primeiro fin de semana da ruta do petisco.

Foron moitos os establecementos acollidos a esta campaña, que o éxito colleulles de sorpresa, e xa o sábado esgotáronse as existencias para a confección do petisco e tiveron que inxeniálas para conseguir poder ofrecelo o domingo.

Hoxe ás 12 do mediodía será presentada na Sala de Prensa da Área Panorámica, entrada pola parte posterior do edificio, a Semana do Libro e a Lectura que terá lugar na cidade do 18 ao 24 de maio.

Dende Érguete Baixo Miño comunican que o “Programa de axuda para deixar de fumar” realizado por esta Asociación en colaboración coa Asociación Española contra o Cancro, dende o 29 de xaneiro ata o 6 de maio de 2.008 en A Guarda, rematou cun gran éxito, posto que un 50% dos participantes deixou satisfactoriamente de fumar.

Dentro das iniciativas promovidas polo Concello de Tui para a celebración do “Ano Xosé María Álvarez Blázquez” nos últimos días foron colocados por diversos lugares da cidade un total de nove poemas do autor tudense para achegar aos cidadáns de Tui e aos nosos visitantes a produción poética do autor homenaxeado neste ano no “Día das Letras Galegas”. Igualmente, no espazo anexo da Sala Municipal de Exposicións de Tui está aberta ao pública unha exposición biográfica sobre o autor tudense homenaxeado neste Día das Letras Galegas.

Dentro das actividades a desenvolver no Filminho, festa do audiovisual galego e portugués, encóntrase o Fórum de creadores: unha plataforma chamada a ser catalizadora do talento e da creatividade audiovisual na raia.