InfoRosal

O proxecto dun Complexo Deportivo, Turístico e Residencial en Pinzás, pon en perigo os valores sociais e medio ambientais do monte comunal

(I) Consideración legais. Modificación do PXOUM. A empresa RAMINOSA S.L.. O negocio inmobiliario na zona. Asociación de campos de golf e proxectos urbanísticos: negocio duns poucos.

• Pretenden instalar 2 campos de golf e unha zona residencial de máis de 800 vivendas.
• Actualmente está en exposición pública o “Estudo de sostenibilidade medioambiental e impacto territorial e paisaxístico”.
• A asociación dun campo de golf a unha urbanización, supón poder vender as vivendas un 30% máis caras

O proxecto para instalar un “Complexo Deportivo, Turístico e Residencial”, nos montes da Comunidade de Montes Veciñais en Man Común de Pinzás (Tomiño), remontase ao ano 2004 e sigue a súa tramitación sixilosamente, estando actualmente a exposición pública no concello de Tomiño o denominado “Estudo de sostenibilidade medioambiental e impacto territorial e paisaxístico”, como un dos requisitos administrativos previos para a modificación puntual do Plan Xeral de Ordenación Urbana.

Este proxecto pretende construir na parroquia de Pinzás, no monte comunal, dous campos de golf (1 de 18 buratos e outro de 9), así como unha zona residencial donde se construirian máis de 800 vivendas, ocupando unha superficie aproximada de 210 hectáreas, das cales 90 serian para zona residencial e o resto, e dicer, 120, para zona deportiva onde se ubicarían os campos de golf ademais doutras instalacións deportivas. A Comunidade de Montes de Pinzás ten unha extensión de 532 hectáreas, polo que o complexo ocuparía o 40% dos montes comunais desta parroquia.

Hoxendía Pinzás ten 161 habitantes segundo a web oficial do concello. A zona residencial, con 800 vivendas, prevé até 3200 habitantes máis (4 por vivenda), segundo o propio proxecto.

Consideracións legais

A Lei 13/1989, do 10 de outubro, de Montes Veciñais en Man Común, estabelece no seu artigo 2 que os montes veciñais en man común son indivisibeis, inalienabeis, imprescritibles e inembargables.

O Avogado Calixto Escariz Vázquez, membro da Asociación "Amigos do Monte Veciñal," realizou unha serie de consideracións a respeito do proxecto que se pretende instalar en Pinzás, a petición da Organización Galega de Comunidades de Montes en Man Común, no que salienta que:

O monte comunal como propiedade colectiva, cumpre varias funcións sociais, entre elas, a de ser vínculo e reserva de espacio común para as sociedades presentes e futuras. Fai referencia ao artigo 2 xa comentado, indicando que sobre o monte comunal non caben actuacións que supoñan o cambio de titular salvo para causas de utilidade pública e interese social preferentes ás propias do monte e que resulten imposibles de emprazar en lugar distinto do monte veciñal en man común, tal e como, por outra banda, se indica no artigo 6.1 do Regulamento da Lei de Montes Veciñais en Man Común, e que ademais -para a declarción de utilidade pública e interese social- deberá contar coa declaración expresa da propia Xunta de Galiza, logo do informe da Consellaría de Medio Rural.

Asi mesmo, o Letrado mencionado, sinala que a formula proposta pola empresa, e dicer, a cesión por 30 anos dos terreos para construir e explotar o campo de golf, así como o acordo expropiatorio, declaración de utilidade pública e interese social dos terreos que permitan a adquisición ao precio pactado dos terreos para a construcción de vivendas co fin da súa venda posterior a persoas privadas, escapa de forma flagrante ao cumprimento efectivo da lexislación vixente en materia de montes veciñais, pois considéraa contraria ao principio de indivisibilidade e inalienabilidade do monte comunal.

Conclue Escaríz Vázquez, que se debe exercer, necesariamente, a presión social para impedir que as actuacións ao marxe da lei poidan prosperar e estimular deste xeito, por parte dos poderes públicos, un cumprimento efectivo da lei; a necesaria concienciación e fomento do carácter indisponible do monte para usos de titularidade privada e, finalmente, ve a necesidade de que a futura lei de montes esixa non só a prevalencia do interese proposto para a expropiación respeito do monte comunal, senón o carácter insustituible que debería ter a localización da proposta por non poder reultar posible emprazarse dita instalación de utilidade pública ou interese social fora do monte veciñal en man común.

Modificación puntual do PXOUM

Está actuación precisa da modificación puntual do Plan Xeral de Tomiño, co fin de modificar o uso do monte comunal para uso residencial, toda vez que para a instalación dos campos de golf e demais zonas deportivas previstas, poden ser compatibles coa calificación de solo rústico de protección forestal. Os primeiros pasos xa se deron, así, na sesión plenaria da Corporación celebrada o día 1 de agosto de 2005, foi aprobada inicialmente dita modificación puntual, resolución que saiu publicada no Diario Oficial de Galiza de 14 de setembro de 2005. Actualmente, como xa dixemos ao principio, atopase en exposición pública por un periodo de 45 días, o "Estudo de sostenibilidade medioambiental e impacto territorial e paisaxístico", trámite necesario para a modificación do plan xeral.

Previamente, e despois dunha presentación resumida do proxecto, a CMVMC de Pinzás asinara un Convenio coa mercantil RAMINOSA S.L., nunha Asemblea en xuño de 2004, que a pesar de ser impuganado e contar coa oposición dun grupo de comuneiros, foi ratificado o acordo en agosto dese mesmo ano.

A empresa RAMINOSA S.L.

RAMINOSA S.L. é unha empresa que leva anos traballando no sector da construcción, sobre todo a obra pública, e que ten a súa sede central en Pontevedra, ampliando nos últimos anos a súa oferta a xestión e desenvolvemento inmobiliario, nomeadamente a promoción de vivendas, tal e como indican na súa web.

O negocio inmobiliario na zona

É evidente que o Baixo Miño, polas súa climatoloxia, ubicación moi perto de Portugal e cercano ás autoestradas que comunican coa meseta e Portugal, con dous aeroportos preto, Peinador e Porto, e grandes atractivos paisaxísticos, praias fluviais e marítimas cercanas, patrimonio histórico, etc.. supón un "bocado" apetecíbel para as grandes inmobiliarias que ofertan grandes complexos turísticos en zonas bucolicas destinadas ás clases sociais máis pudientes.

Aos atractivos naturais da zona, únese a marxinalización á que está sometida esta parroquia por parte da administración local, tanto no que se refire a infraestructuras como a servizos, polo que se dan as condicións perfectas para a aparición de proxectos estrela, como así aconteceu, despois de que o tentaran en zonas limítrofes ou próximas como Donas (Gondomar), Chandebrito (Nigrán) ou Baiña (Baiona). RAMINOSA S.L. ofertou a través de dípticos a toda cor os grandes beneficios que o seu proxecto traería para Pinzas, tais como empregos directos, servizos, alcantarillados e saneamento, suministro de auga, telefonía fixa e móvil, internet, TV por satelite, un Centro de Saúde e farmacia... e incluso felicita as festas do Nadal aos veciños e veciñas cada ano con tarxetas de Aldeas Infantiles S.O.S.. Todo "sensibilidade" hacia unha zona empobrecida -que non pobre- á que se lle "ofertan" un montón de servizos e beneficios económicos que nunca se lles pasara pola cabeza, a cambio de que cedan o monte comunal.

Asociación de campos de golf e proxectos urbanísticos: negocio duns poucos

A asociación da construcción de campos de golf e proxectos urbanísticos non é casual;. O negocio dos campos de golf non está nas cotas que poidan pagar os seus socios, senón en que teñan asociados proxectos urbanísticos, convertendo ao ocio nun grande negocio que considera ao territorio como un recurso.

Segundo os expertos, a asociación dun campo de golf a unha urbanización, supón poder vender as vivendas un 30% máis caras e asi o explicitan en cursos especializados para xestores inmobiliarios. Outro factor que incide na proliferación do binomio campos de golf-zona residencial, é que, segundo un artigo de El Mundo, moitos compradores viron nas vivendas vinculadas ao golf un negocio con alta rendabilidade. Aproximadamente, o 30% das adquisiciones realízanse como investimento. Durante 2003 e o primeiro trimestre de 2004 a revalorización media destes inmuebles foi dun 25% anual, segundo Aymerich Golf Management.

No mesmo senso incide outro artigo publicado nunha web especializada do sector, no que se asegura que a industria do golf xenerou no 2003 un volumen de negocio de 2.375 millóns, e destos, 837 millóns (o 35%) aportáronos, non xa a venda, senón só a revalorización das vivendas anexas aos campos de golf.