|
Aniversario do lado escuro |
|
|
|
|
Martes, 20 de Setembro do 2005 |
 Aniversario do lado escuro
Gustavo Luca
O que temos no aniversario de 1945 é unha volta máis de Guerra Fría. Os
norteamericanos chámana guerra pola liberdade e din que comeza no mesmo
intre en que o pacifista Harry Truman anuncia a bomba nuclear.
Na versión das esquerdas, esta guerra prolongada arranca en 1917 e nela
participan británicos, norteamericanos, xermanos e aliados varios para
cercar a Revolución de Outubro. Os alemás entraron en Ucraína para
deixar a Rusia sen celeiro; en 1918 promoveron gobernos amigos nos
Estados Bálticos e pasáronlle armas e soldados para pechar fronteiras
aos comunistas. No Sul, os seus aliados foran os croatas.
A violencia semántica do anti-comunismo foi tan intensa que aínda hoxe
permanece: estaban en combate polas liberdades e a paz e contra a
tiranía e o terror. Goebbels non inventou estes conceptos reversíbeis
(socialismo e liberdade como divisa dun goberno fascista) que xa
reivindicara a primeira reacción contra os revolucionarios.
A pregunta é como se pode manter unha guerra estratéxica (mal chamada
Guerra Fría se tomamos como mostra a violencia que reparteu) contra un
adversario que aceptou por fin as posicións básicas do sistema de
acumulación de capital. Porque o que se salienta no aniversario non é
xenocidio decretado contra ucraínos e rusos, non é a batalla límite de
Stalingrado ou a derrota das divisións alemás na fronte soviética
despois de causaren vintesete millóns de mortos (o último reconto que
ameaza con seguir subindo) senón o que o presidente norteamericano
chama o lado escuro da Guerra.
Bush, por exemplo, reclama aos rusos nesta data que renuncien a chamar
liberación a entrada de tropas soviéticas en Letonia que na versión de
Condoleezza Rice fora ocupación. Por quen estaba ocupada Letonia en
1940 era polos nazis coa axuda de voluntarios letóns. Ucraína, e
Xeorxia (tamén na xira do Presidente norteamericano) eran prazas fortes
da alianza occidental contra a Revolución cando entrou nelas o Exército
Vermello dirixido por Trotsky. Quen se fai responsábel deste lado
escuro que continúa a reacción branca ate o III Reich? . (Publicado en
A Nosa Terra) |
