|
Martes, 03 de Xullo do 2007 |
 O 27 de xuño tomou posesión o novo primeiro ministro británico e o 7 de xullo cúmprese o segundo aniversario en que 4 bombas humanas mataron a 52 civís en Londres. No medio deses dez días os binladenistas intentaron causar estragos con dous atentados no centro londinense e un nun aeroporto da Escocia natal de Brown.
Ao sucesor de Blair quixéronlle dar unha benvida de lume e reafirmarlle que Osama segue recrutando adeptos dentro do 1,6 millóns de musulmáns que vive no Reino Unido (case 3% da súa poboación). Esta vez os atacantes non lanzaron suicidas e os seus explosivos mostran que se trata dun grupo menos experto. Para os servizos antiterroristas isto pode ser un indicativo que Al Qaeda baixa de calidade, pero tamén é algo que pode alarmarlles se iso evidencia que esta se enche de máis recrutas dispostos a organizar as súas propias iniciativas. O novo goberno poderá reducir as súas tropas en Iraq para enviar máis soldados a Afganistán. Mentres ambas as ocupacións persistan Gran Bretaña será vítima de novos ataques. Isaac Bigio é Analista internacional - www.bigio.org |
