|
Denuncian presuntas ilegalidades urbanísticas dun concelleiro do PSOE e membro do grupo de goberno da Guarda |
|
|
|
|
Sábado, 09 de Febreiro do 2008 |
|
Os concelleiros do grupo municipal Terra Galega na Guarda veñen de solicitar do Departamento de Urbanismo, a través dun escrito presentado no rexistro de entrada, un informe técnico e xurídico sobre as presuntas ilegalidades urbanísticas do concelleiro do equipo de goberno, Paulino Rodríguez González.
Terra Galega solicita este informe en base a duas denuncias sobre ilegalidade urbanística presentadas por particulares no mes de decembro de 2007, contra as obras realizadas ao ampara da licenza nº 204/2006 polo concelleiro do PSOE e membro do grupo de goberno, Paulino Rodríguez González, por non axustarse ao permiso concedido e, interpretando os denunciantes que estás serian consideradas "ilegalizables" e terian a categoria de "graves". Asi mesmo, Terra Galega manifesta que non lles foi comunicado nin teñen recibido documentación que "desmonte ditas acusacións", motivo polo cal solicitan do " Departamento de Urbanísmo, tanto técnica como xuridicamente se emitan os informes de Lei" nos que se deixe claro a situación legal de ditas obras e, de ser ilegais, se dé inicio a apertura de Expediente de Reposición da Legalidade Urbanística e se sigan tódolos pasos sinalados na LOUGA "a fin de proceder a demolición de todo aquelo que esté fora da Lei". Do mesmo xeito, e amparandose na Lei de Réxime Xurídico das Administracións Públicas e do Procedimento Administrativo Común, solicitan que se teá ao grupo municipal de TG como parte interesada no expediente e se lle dé traslado de todas as actuacións que se deriven das denuncias. |
