|
Concerto da Banda de Música do Conservatorio Profesional de Vigo |
|
|
|
|
Xoves, 13 de Marzo do 2008 |
|
O vindeiro venres 14 de marzo, ás 20:30 horas, no Auditorio de Goián, terá lugar un concerto da Banda de Música do Conservatorio Profesional de Música de Vigo.
A actividade forma parte do ciclo de concertos do conservatorio, organizado coa colaboración da Concellería de Cultura, Educación e Participación Veciñal do Concello de Tomiño, que dirixe Jesús Castiñeira Diz. O concerto do venres é froito do traballo realizado nas clases correspondentes aos departamentos de Música de Cámara e Orquestra do mencionado conservatorio, polo que os músicos son na súa gran maioría, alumnos de Grado Profesional. Baixo a dirección de Juan Carlos Díaz Álvarez, interpretarán una decena de temas de diferentes estilos e épocas. O terceiro e último concerto será o día 4 de abril, coa Orquestra Filarmónica do Conservatorio Profesional de Música de Vigo, e dirección de Javier Viceiro.
|
