|
O Concello organizará a partires de agora a recollida de cartón comercial, coa finalidade de facilitar aos comerciantes a xestión da cartonaxe que producen nos seus establecementos, sen ter que depositala nos colectores da rúa, evitando así a saturación destes.
Coa medida se pretende, segundo explicou o concelleiro delegado de Medio Ambiente, Santiago Vergara, mellorar o aspecto das rúas, sobre todo no casco céntrico de Tomiño e Goián, "eliminando a existencia ó pé dos colectores, de cartón e caixas que ademais do impacto visual que producen, resultan unha molestia para o tránsito dos cidadáns, xa que moitas veces, desbordan os depósitos". O servicio consistirá basicamente nunha recollida periódica do cartón comercial en todos aqueles establecementos que se adhiran a este servicio, sen que isto teña para eles custe económico algún, xa que a recollida de cartóns está incluída na nova concesión do servicio outorgada á empresa Urbaser. O pasado día 11 de marzo, saíu publicada no BOP a nova Ordenanza de convivencia, residuos e limpeza viaria, que comezará a pórse en práctica en breve. Esta ordenanza regulará tamén, por primeira vez en Tomiño, a colocación de colectores de obra, cada vez máis frecuentes, e que ata agora carecían de regularización. Entre os servizos incluídos na nova ordenanza, figuran os de limpeza viaria, que abarcará tamén a limpeza de solares e zonas sen urbanizar de titularidade municipal; un plan específico para a tempada de verán, Nadal e Entroido; a limpeza de pintadas en fachadas, vías públicas, mobiliario urbano, aparcamentos; retirada de carteis e pancartas, e limpeza de mercadiños, mercados (exterior), feiras, festas, actos deportivos, zonas de ocio, etc. Santiago Vergara Álvarez, explicou que todas estas melloras faranse dentro dunha política de contención do gasto, o que implica solo un 20% de aumento no gasto de lixo que non repercutirá no recibo dos veciños. |
