|
O Teatro Municipal acolle o concerto do grupo Ledicia |
|
|
|
|
Mércores, 26 de Marzo do 2008 |
- Esta agrupación creada en 1983 está ligada ao colexio Manuel Masdías do Ferrol
O Teatro Municipal de Tui acolle este xoves, 27 de marzo, ás 19h, ao grupo Ledicia de Caranza, do Ferrol, en concerto. Trátase dunha agrupación musical formada por sete instrumentistas, catro voces principais e un coro dunha vintena de nenos e nenas. Todos teñen en común pertencer ou ter pertencido ao colexio público Manuel Masdías do Ferrol.
Durante os noventa minutos que dura o concerto o grupo Ledicia, formado en 1983, ofrecerá un singular repertorio baseado en cantigas infantís propias en lingua galega. O grupo Ledicia ten realizado numerosas actuacións non só na zona do Ferrol e en Galicia, senón tamén en Xixón, Madrid, Bruxelas ou Rotterdam. As entradas para o concerto poranse á venda o xoves, ás 16.30h, ao prezo único de 0,50€. |
