|
A exposición pública o prego de condicións para a concesión de postos vacantes na praza de abastos de Tui |
|
|
|
|
Xoves, 27 de Marzo do 2008 |
|
O concello de Tui publicou o Edicto de exposición pública de prego de condicións aprobado para concesión de postos vacantes na praza de abastos do concello.
Segundo recolle o Diario Oficial de Galiza do pasado 25 de marzo, durante o prazo de 8 días naturais poderanse realizar reclamacións. No mesmo anúnciase a licitación da concesión de postos polo procedemento aberto, modalidade de poxa e tramitación ordinaria. A duración da concesión será de catro anos.
Para obter a documentación, os interesados deberán dirixirse á Secretaría do Concello e as proposicións poderán presentarse nas oficinas do concello, de 9.00 a 14.00 horas, de luns a venres e de 9.00 a 13.00 o sábado, no prazo de vinte días naturais contados a partir do seguinte ao da última publicación do edicto no BOP e Diario Oficial de Galicia, podéndose examinar e obter documentación e información, así como o prego de condicións que rexerá a concesión. De coincidir o último día en festivo, o prazo para a presentación das propostas rematará o primeiro día hábil seguinte. |
