|
A alcaldesa de Tomiño viaxa a Bruselas convidada pola FEGAMP |
|
|
|
|
Luns, 31 de Marzo do 2008 |
|
- A rexedora local aproveitará a visita para promocionar os recursos hortoflorícolas do municipio
A alcaldesa do Concello de Tomiño, Sandra González Álvarez, viaxa a Bruxelas convidada pola FEGAMP nunha visita institucional xunto a outros alcaldes e mandatarios galegos.
A rexedora local aproveitará a viaxe para entrevistarse con altos funcionarios da Comisión de Agricultura co fin de promocionar a Mostra de Cultivos do Baixo Miño e por en valor as posibilidades de desenvolvemento do concello tomiñés en hortofloricultura. A alcaldesa realizará estas entrevistas na compaña do conselleiro de Medio Rural, Alfredo Suárez Canal, que tamén participa na viaxe, e prestará o seu apoio á rexedora na promoción dos recursos do municipio pontevedrés. Así mesmo, Sandra González, interesarase pola tramitación de varios proxectos europeos nos que está incluído Tomiño; entre eles, un referido a saneamento, abastecemento de augas e recuperación de ríos, que se presentará a través de Augas de Galicia, e outras iniciativas que van a xestionarse por medio de distintas consellerías da Xunta de Galicia. A viaxe institucional a Bruxelas desenvolverase entre o día 29 de marzo, e o vindeiro mércores, día 2 de abril. |
