|
Álvaro Hermida S.L. logra por segundo ano o premio Mellor Servizo Oficial SEAT |
|
|
|
|
Mércores, 02 de Abril do 2008 |
|
A empresa Álvaro Hermida S.L. logrou por segundo ano consecutivo o Premio Mellor Servizo Autorizado SEAT do ano 2007 pola súa calidade no servizo post-venda. O pasado xoves recibiron de mans de Pedro Hernández Zini, Xerente Comercial de Postventa Zona I de SEAT o premio e diploma acreditativo deste galardón.
A entrega tivo lugar no transcurso dunha cea, celebrada no Parador Nacional de Turismo San Telmo de Tui, na que estivo presente a totalidade do persoal integrado por vinte e dúas persoas.
Para lograr por segundo ano consecutivo este recoñecemento. a empresa investiu en calidade no servizo e formación dos seus traballadores. Ao longo do todo o ano a marca SEAT realiza un exclusivo seguimento dos seus Servizos Autorizados tanto a través de enquisas aos clientes, como por medio do "cliente pantasma" e ata coa avaliacións que realiza o propio persoal da marca de forma periódica. Pasar os esixentes requisitos de control supón a implicación non só do persoal de xerencia e administración, senón de todos e cada un dos traballadores da empresa.
Lograr este importante premio non sería posible, recoñecen desde Álvaro Hermida S.L., sen a confianza que os clientes depositan neles, tanto para labores de mantemento como de reparación de mecánica, chapa e pintura, electricidade, aliñado de dirección,... é por iso que desde a empresa queren expresar o seu agradecemento publicamente a todos os clientes que acoden a este Servizo Autorizado SEAT para o coidado dos seus vehículos. |
