|
O PP solicita a limpeza do peche do campo de fútbol do Regatiño |
|
|
|
|
Xoves, 03 de Abril do 2008 |
- Os populares instan aos veciños a respectar o mobiliario urbano
O Grupo Municipal do Partido Popular de Tomiño insta a súa Alcaldesa Sandra González, que se proceda a limpeza do campo de Fútbol “O Regatiño” de Goián, que recentemente foi remodelado polo Goberno do anterior alcalde, convirtíndose nun campo de fútbol de herba sintética, de última xeración. Sen embargo, a día de hoxe, é lamentable o estado debido ás pintadas realizadas, tendo en conta que o vindeiro día 5 se procederá a inauguración da V Mostra de Cultivos do Baixo Miño.
"Deberían esta Alcaldesa e o concelleiro responsable ter a sensibilidade necesaria para que as persoas que nos visiten non se atopen con este lamentable aspecto que hoxe presenta o peche do campo de fútbol". Ao respecto, o grupo municipal do PP insta a tódolos ciudadáns a respectar o mobiliario urbano e os béns públicos que son para beneficios de todos. O noso país veciño é todo un exemplo de civismo e consideración polo interés público. |
