|
Aproveitando a celebración do Día Mundial do Libro, Novas Xeracións da provincia de Pontevedra presentou nunha rolda de prensa a campaña Culturízate, coa que a organización xuvenil do Partido Popular pretende fomentar o uso da lectura e a cultura entre a xente moza.
O presidente provincial, Javier Dorado, asegurou que esta campaña pretende "encher o oco baleiro que deixa a nefasta xestión" da conselleira de Cultura, Ánxela Bugallo, quen "gastou máis diñeiro nunha viaxe a Cuba que en fomentar a lectura durante todo o ano 2007".
A campaña, que se extenderá ata o próximo 17 de maio, Día das Letras Galegas, celebrará actos na meirande parte dos concellos pontevedreses onde existe xunta local de Novas Xeracións (máis dunha treintena).
2009: Ano da lectura
Unha das actividades centrais desta campaña será a recollida de firmas a prol da declaración do ano 2009 como o ano da Lectura en Galicia. Dorado recordou que a nosa comunidade é a penúltima en hábito de lectura e a última na venda de libros.
O seguimento da campaña se realizará a partires de mañá través dun blog onde se publicarán todas as novas respecto a esta campaña e recomendacións culturais de membros de NN.XX e PPdeG. O dominio será http://culturizate-nnxx.blogspot.com.
Ademáis, NN.XX se sumará ó II Concurso de Poesía en Galego e ó I Concurso de Relatos Curto en Galego organizados dende a Xunta Rexional, entre outras moitas actividades.
Día mundial do libro Pola sua banda, Rocío Blanco, secretaria executiva de Educación e Cultura e coordinadora da campaña, leeu o manifesto de Novas Xeracións de Pontevedra respecto ó Día do Libro, co que deu comezo esta campaña.
Blanco destacou que este día é "unha gran ocasión para que milleiros de persoas en todo o mundo, honren ó libro, instrumento de expresión, educación, comunicación e cultura".
|
