InfoRosal

Representantes das Consellarías do Medio Rural e Medio Ambiente asistiron á VI Conferencia da Rede de Rexións Europeas Libres de Transxénicos, que se celebrou en Bilbao co obxectivo de coñecer os debates que terán lugar no seo desta agrupación, que naceu no ano 2003 a partir da unión de dez rexións que solicitaban o dereito a salvagardar as súas producións agrarias de calidade da introdución destes organismos, así como as conclusións que se deriven dun asunto, nestes momentos de actualidade.

A Rede de Rexións Europeas Libres de Organismos Modificados Xeneticamente (OXMs) pretende modificar a normativa comunitaria de forma que sexan as autoridades "rexionais" as que teñan competencias sobre a autorización ou non de cultivos deste tipo. Nestes intres está formada por 43 territorios europeos, entre os que se atopan 15 rexións de Francia, 11 de Italia, 9 de Austria e 2 do Estado español (Asturias e o País Vasco).