|
 A Concellería de Deportes ofreceu o pasado sábado, 26 de abril ás 12:00 horas, unha homenaxe ao equipo de cadetes do Tomiño F.C. , polo seu título de campión de liga da segunda provincial cadete 2007- 2008.
O concelleiro delegado de Deportes, Fernando Álvarez felicitou aos compoñentes da Asociación Deportiva Tomiño polos éxitos acadados na Liga Comarcal, e reiterou o apoio a un club que desenrola unha importante labor no eido da formación e o deporte dos máis novos, así como a intención da concellería de seguir apostando polas categorías alevín, infantil e cadetes. "Como concelleiro de Deportes, e en nome de tódolos veciños, quero felicitarvos sinceramente e transmitirvos o orgullo que sentimos polo voso éxito", salientou o responsable da área. Tamén a alcaldesa de Tomiño, Sandra González, deu a súa noraboa aos novos deportistas, asegurándolles o compromiso do Concello co deporte de base. Na homenaxe atopábanse tamén os concelleiros Jesús Castiñeira, Pablo Baquero e Santiago Vergara. Por último, as autoridades fixeron entrega aos cadetes de sendas medallas do Concello, e aqueles intercambiaron camisetas e gorras do club. |
