|
O BNG solicita que se cumpra o acordo plenario de empedrar o camiño de Brandián en Camposancos |
|
|
|
|
Luns, 28 de Abril do 2008 |
- Xan Lois Lomba: “As obras de formigonado que se acaban de realizar poderían hipotecar o futuro empedrado do camiño”
Por medio dun escrito presentado no concello da Guarda o BNG insta ao grupo de goberno a executar o acordo plenario adoptado en setembro do 2003 polo que se debe empedrar o camiño de Brandián sito en Camposancos. Este camiño é transitado por moitos veciños como aceso peonil á praia e pola súa tipoloxía sería un itinerario ideal para pasear, andar en bicicleta, ... Todo isto se menoscabar o dereito dos veciños a ter un acceso digno para ás súas vivendas.
Segundo o BNG as obras de pavimentación que se levaron acabo hai días incumpren o acordo plenario de empedrar o camiño que foi aprobado por unanimidade e amplamente xustificado polo daquela portavoz socialista e hoxe alcalde da Guarda. Hai que lembrar que o BNG presentou a moción no momento en que se estaban a facer obras de saneamento que remataron no pavimentado en formigón da parte alta do camiño. Hoxe o actual grupo de goberno actúa do mesmo xeito.
O BNG advirte que as obras de formigonado que se acaban de realizar poderían hipotecar o futuro empedrado do camiño de Brandián, por iso solicitou que non se fixera ningunha actuación máis no camiño que non pase polo empedrado do mesmo.  Camiño de Brandín cementado /BNG |
