|
O documental “Fronteiras” na Guarda |
|
|
|
|
Xoves, 01 de Maio do 2008 |
|
O departamento de cultura do Concello da Guarda en colaboración coa Consellaría de Cultura, dentro do programa “Cinemas Dixitais, proxectará este venres 2 de maio ás 21:30 no Centro Cultural, o documental FRONTEIRAS, dirixido por Rubén Pardiñas.
O documental repasa as diferencias que existen entre os límites administrativos de Galicia e os sociolingüísticos. Sen chegar a tomar partido sobre a galeguidade dos territorios asturianos, leoneses ou portugueses próximos á fronteira galega, a película reflexiona sobre como a lingua e a cultura son alleas ás divisións políticas e sobre como un concepto tan difuso como a identidade se estende a través delas. |
