|
O Grupo municipal do Partido Popular de Tomiño solicitará ante o SEPRONA e a Consellería de Medio Ambiente da Xunta de Galicia que se inicien as dilixencias oportunas para determinar o grao de responsabilidade por parte do Concello e moi especialmente do concelleiro de Medio Ambiente, Santiago Vergara, na existencia dun vertedoiro ilegal na zona da Carballa -preto do Instituto de Tomiño-.
O PP basease nas fotografias aportadas a recente denuncia ante os medios de comunicación por parte dun veciño de Tomiño onde "se pode apreciar a suciedade que impera neste lugar con vertidos de todo tipo".
Así indican os populares que "o Concello debe ser o garante de que a xestión dos residuos sólidos urbans sexa levada a cabo sen prexudica-lo medio ambiente e, en particular impedindo o abandono, os vertidos e, en xeral calquera depósito inadecuado dos residuos", tal como establece a Lei 10/1997 do 22 de Agosto.
Para o voceiro municipal do P.P. , César Pérez, esta situación é consecuencia da desidia do concelleiro de Medio Ambiente e lembra que ten adicación exclusiva polo que cabería esperar unha maior dilixencia no cumprimento da súa obligación, e indica que é "unha proba máis da parálise que afecta a este Concello xa que os veciños/as do lugar levan denunciando reiteradamente que dende fai tempo veñense realizando vertidos de todo tipo sen que por parte do Concello se tomase ningunha medida tendente a correxir e evitar esta situación".
Segundo Pérez Ares, este vertedoiro ilegal atópase moi preto de instalacións deportivas e de ensino; circunstancia que nada axuda a que os/as mozos/as que transitan polas proximidades acaden un grao de sensibilización e concienciación na preservación do medio ambiente que faga posible evitar estas actuacións totalmente rexeitables. "Alcanzar esta sensibilidade no cuidado e protección do noso contorno é o principal obxectivo dos programas de formación ambiental que se veñen desarrollando tanto no ensino primario como no secundario" remata.
Relacionadas anteriores:
|
