|
Diante da campaña en defensa das escolas unitarias do CRA María Zambrano do Rosal, que se está a levar a cabo pola comunidade educativa des colexio, o BNG maniféstalle o seu apoio.
Nese sentido, e segundo nota de prensa, o BNG defende o ensino público e por iso maniféstase de xeito innequívoco polo mantemento das escolas unitarias, tanto no nivel de educación infantil, de 3 a 5 anos, coma no de 1º ciclo de educación primaria, 1º e 2º cursos. "A realidade de que en boa parte do país foran desaparecendo as escolas unitarias para integrar o alumnado en concentracións escolares fai que sexa importante pronunciarse na súa defensa" sinalan os nacionalistas. Afirman que baixo o criterio pedagóxico, dende o punto de vista educativo, estas escolas cumpren unha función, a estas idades, moito máis integradora cas grandes concentracións, xa que facilita a comunicación entre as familias e a escola, aspecto fundamental no desenvolvimento da infancia. E é por todo isto que o BNG súmase á campaña promovida pola comunidade educativa do Colexio Rural Agrupado "María Zambrano" d'O Rosal na defensa das escolas unitarias. Relacionada: |
