|
As Oficinas Municipais de Información Xuvenil de Tomiño, A Guarda, O Rosal, O Porriño, Salceda de Caselas e Gondomar, organizan conxuntamente coa Casa da Xuventude Tui e por segundo ano consecutivo, o certame de fotografía “Viaxando”, no que poderán participar mozos e mozas de entre 12 e 30 anos. De seguido, publicamos as bases que rexerán este certame.
Bases do II Certame de fotografía "Viaxando" A temática responderá ao título do certame, e as fotografías poderán ser en branco e negro ou cor, cun tamaño mínimo de 18 x 24 e máximo de 30 x 40 cm.
Cada participante pode presentar unha única fotografía que terá que ser orixinal e inédita. Presentaranse sobre soporte ríxido sen marco nin cristal. Os traballos entregaranse en sobre pechado coa indicación "VIAXANDO". Cada fotografía levará no dorso o pseudónimo do autor e, de ser o caso, o título da fotografía. Acompañaranse con outro sobre pechado no que figurará o pseudónimo do autor e dentro o nome e apelidos, enderezo, teléfono e fotocopia do DNI.
As fotos poderán presentarse nas instalacións de calquera das entidades organizadoras ata o martes 30 de setembro de 2008.
Con tódalas fotografías presentadas, realizarase unha exposición itinerante que percorrerá os Concellos organizadores, inaugurándose oficialmente no Auditorio Municipal de Salceda de Caselas, o venres, día 17 de outubro de 2008, as 20:00 horas.
A fotografía premiada quedará en propiedade da organización. As non premiadas poderán recollerse no prazo dun mes desde a finalización das exposicións. Pasado este prazo, pasarán a ser propiedade da organización que se reservará todos os dereitos sobre as mesmas.
O xurado estará integrado por membros da organización ou persoas nas que deleguen, e o fallo do xurado farase público o día 10 de outubro de 2008, difundíndose nos medios de comunicación así como por teléfono á persoa premiada.
O xurado poderá declarar deserto o premio.
Concederase un único premio consistente nunha cámara dixital, o mesmo que na primeira edición, á que se presentou unha trintena de traballos.
A participación no certame implica a aceptación das bases e das decisións adoptadas polo xurado. |
