Mostra de Escultores e XXV Exposición de Pintura
(Tomiño)
InfoRosal.com
O concello de Tomiño, con motivo das festas do Alivio, inaugurou o pasado 1 de setembro, a Mostra de Escultores e a XXV Exposición de Pintura. A primeira no Salón de Plenos e a segunda na Casa de Cultura.
Na Mostra de Escultura participan os escultores tomiñenses, Xosé Antúnez Pousa, Jesús Vázquez Pardo “Xuxo”, Magín Picallo Durán e Nando Álvarez cunha selección das súas obras.
Na exposición de pintura, puidose comprobar o bo estado desta disciplina artística en Tomiño, pois, ademais de levar xa 25 anos coa mostra, o número de participantes chegou aos 38, dos cales, 17 erán xa veteranos, como Jesús Jáuregui, Eulalia Portela Jackson, José Mera, … e máis de vinte artistas noveles cun futuro prometedor.
Deixamos aquí una reportaxe dos momentos das inauguracións por parte do Concelleiro de Cultura, Jesús Castiñeira, e da Alcaldesa de Tomiño, Sandra González, ademais doutras autoridades municipais.
O Concelleiro Delegado de Cultura, Jesús Castiñeira e a Alcaldesa de Tomiño, Sandra González, na inauguración da Mostra de Escultores de Tomiño.
Na imaxe da esquerda, os escultores Xosé Antúnez Pousa, Magín Picallo, Nando Álvarez e Jesús Vázquez "Xuxo" detrás dunha obra de Nando Álvarez. A dereita, escultura de Antúnez Pousa, coa alcaldesa, e concelleiros do goberno municipal ao fondo.
Esculturas de Magín Picallo en bronce.
Escultura en metacrilato de "Xuxo" Vázque e en granito de Antúnez Pousa.
Obra de "Xuxo" Vázquez en aceiro inoxidable.
Momento da inauguración da Exposición de pintura na Casa de Cultura. De esquerda a dereita, Uxio Benítez, Sandra González Jesús Castiñeira e Pablo Baquero.
Público asistente á inauguración e mostra dalgunhas das obras expostas.
1 de setembro de 2007
Os contidos desta web están baixo unha licenza
Creative Commons salvo que se indique o contrario.
©
InfoRosal - Reportaxe optimizada para unha resolución 800 x 600 píxeles.
