O día 29 de xullo celébrase, cada ano, a festa de Santa Marta de Ribarteme, no concello das Neves. A romería coñecida como a romería dos resucitados. Os enfermos, ás portas da morte, ofrécense a acudir á romería de Santa Marta de Ribarteme se sanan da súa enfermidade. Se o enfermo se cura, o 29 de xullo vai a Ribarteme cos seus levando o cadaleito no que houbera sido enterrado se morrera, despois, escoita Misa, dá a súa limosna, viste co mellor traxe e cando sae Santa Marta en procesión, introducese no cadaleito que é levado polos seus familiares. Rematada a procesión, o “finado” acompaña a familia para comer polbo, empanada, cachelos e sardiñas, acompañada de viño do condado. Escoita música de gaita e baila, volvendo, pouco a pouco a tomarlle gusto a vida.
